Жената која вчера во Волковосо автомобил прегази човек, кој загина на самото место, е уапсена доцна синоќа, соопшти МВР.
Несреќата се случи околу 20:55 часот на улицата „100“ во Волково.
„40-годишната М.С. од Скопје, управувајќи патничко возило „мерцедес“ со скопски регистарски таблички, удрила во пешакот Г.И. (60) од Волково. Поради тешките повреди, пешакот починал на самото место, а смртта ја констатирал лекар од Итната медицинска помош. По пријавата, на местото на настанот извршила увид увидна екипа од СВР Скопје. Жената била лишена од слобода во 00:45 часот на 4 јануари“, пишува во полициското соопштение.
По целосно документирање на случајот, против неа ќе биде поднесена кривична пријава по член 300 од Кривичниот законик, за тешки дела против безбедноста на луѓето и имотот во сообраќајот.
Leave a Reply